Kryedemokrati Lulzim Basha, gjatë një takimi që ka bërë me qytetarët në Ndroq ka përsëritur edhe njëherë se nuk do pranojë të bëjë bashkëqeverisje me Kryeministrin Edi Ramën.
Në fjalën e tij, ai ka thënë se ndryshimi është në dorën e shqiptarëve, duke shtuar se Rama atë që nuk e ka bërë për 8 vite nuk do e bëjë për 4 vitet e ardhshme.
“Ndryshimin që ta bëjmë të vërtetë, të gjithë së bashku. Për 8 vite me radhë dështuan. Shikojni fshtarat si janë si mos të kishin pasur qeveri fare. Tani që e ka kuptuar se shumica e shqiptarëve duan ndryshim kërkon që të bëhet pjesë me ne. Përgjigja ime është jo. Sepse siç e ka thënë dikur vetë, se atë që nuk e ka arritur për 8 vjet nuk e arrin dot për 4 vite të tjera. Rreziku më i madh për Shqipërinë është një mandat i tretë për Edi Ramën. Nuk mund të ketë qeverisje me Edi Ramën që dështoi për 8 vite me radhë. Etja për ndryshim e shqiptarëve do të kthehet në 25 prill. Fati i familjeve shqiptarëve është në dorën tuaj. Bashkë për ndryshim. Ju e dini fare mirë se ndryshimin nuk mund ta sjellë ai që ju la për 8 vite në baltë. Votoni numrin 9 për ndryshim, për familjet tuaja, për një Shqipëri Evropiane pë të ardhmen tuaj”, u shpreh Basha.
