Lëvizja Vetëvendosje në Shqipëri ka kërkuar shkarkimin e drejtorit të Policisë së Lezhës Zef Laskaj pas arrestimit të tre aktivistëve të saj për shkak se morën pjesë në protestën kundër HEC-it në Mirditë të dielën.
Kandidatët për deputet në Qarqet Tiranë dhe Lezhë, Boiken Abazi dhe Iliaz Shehu kanë deklaruar se Besnik Paci, Çlirim Gërbeshi, Etnik Berisha dhe Endrit Bytyqi gjenden prej më se 72 orësh në komisariatin e Lezhës, në shkelje të procedurave, ligjit dhe të drejtave të njeriut.
Sipas tyre, Laskaj ka kërcënuar kandidatin Iliaz Shehu dhe katër të arrestuarit, tre prej të cilëve janë aktivistë të Lëvizjes Vetëvendosje.
Ata i kanë bërë thirrje pushtetit të ndalë praktikat e shtetit policor.
