Mësohet se sasia prej 143 kg kokaine e sekuestruar pasditën e së shtunës në Portin e Durrësit, ishte e pastër. Hetuesit pohojnë se droga do të përpunohej në vendin tonë e më pas në mënyrë të jashtligjshme do të hidhej në tregun evropian.
Sipas ekspertëve nëse sasie e drogës do përfundonte në treg vlera e saj do kapte vlerën e 10 milion eurove. Ndërkohë burime nga institucioni i akuzës bëjnë me dije se po kryhen verifikime për indetifikimin e personave të tjerë, që mund të jenë të përfshirë në këtë veprimtari të jashtligjshme.
Hetuesit kanë dyshime se pas ngarkesës mund të fshihen grupe të fuqishme kriminale që veprojnë në vend. Dy administratorët e kompanisë në të cilën u sekuestrua sasia e konsiderueshme e drogës kanë mohuar kategorikisht të kenë lidhje me kokainën e sekuestruar.
Gjatë marrjes në pyetje përballë hetuesve ata janë shprehur se kishin porositur një sasi me fruta dhe në momentin që ka mbërritur kontenieri në Durrës, autoritetet portuale i kanë kërkuar të paraqiten për kontroll të imtësishëm të ngarkesës me banane për shkak se një pjesë e kontenierit ishte më e markuar nga skaneri me shenjë të kuqe.
Erjon Peti dhe Klajdi Xibraku nesër në orën 10:00 do të dalin përpara gjykatës së Durrësit për tu përballur me akuzat e ngritura ndaj tyre. Prokuroria e Durrësit i akuzon ato për “Trafikimit të narkotikëve, kryer në bashkëpunim”. /Faxnews/
