Një fitore në gjashtë ndeshjet e fundit është një ecuri e papranueshme në radhët e Partizanit, me klubin që kërkon rikthimin te titulli kampion.
Pikërisht suksesi i fundit është ai në derbin ndaj Tiranës ndërkohë qenë takimet e tjera, të kuqtë kanë bërë hapa fals, pasojat e të cilave nuk janë ndjerë dhe aq për faktin se edhe rivalët e tjerë direkt kanë gabuar.
Këtë të diel, skuadra e Ilir Dajës ndeshet me Bylisin dhe numri një i stolit të kryeqytetasve kërkon që loja dominuese të përkthehet me çdo kusht në rezultat maksimal.
Bylis nuk mposhtet prej katër ndeshjesh, madje ka arritur të marrë pikë ndaj shumë prej skuadrave të kreut. Në luftë për mbijetesën me Skënderbeun që është kthyer në kërcënim, skuadra ballshiote do të kërkojë të njëjtën gjë edhe ndaj Partizanit me ndeshjen që luhet këtë të diel në orën 16.
