El Clasico e mbrëmjes së kaluar u fitua 2-1 nga Real Madrid, ekip që po kalon një formë fantastike. Protestat dhe polemikat nuk munguan në sfidën më të fortë dhe më spektakolare të futbollit spanjoll.
Ekipi katalanas pretendoi për një penallti të mohuar ndaj Braithwaite në minutën e 84-t. Arbitri kryesor i ndeshjes, Jesus Gil Manzano vazhdoi lojën dhe nuk e cilësoi të nevojshme të shihte pamjet në VAR.
Një gjë e tillë acaroi keq Barcelonën. Trajneri Roland Koeman u shfaq i zhgënjyer pas ndeshjes. “Tifozët e Barcelonës janë të nxehur. Jam shumë i pakënaqur me dy vendime të gjyqtarit. Gjyqtari duhet të korrigjonte vendimet sepse ekziston një penallti e qartë.
Edhe një herë duhet ta pranojmë dhe të heshtim. Po e them qartë atë që mendoj, duhet të ishte 2-2. Shtesa duhej të ishte më e gjatë dhe në rastin e penalltisë nuk ndërhyn VAR. Nuk e di pse nuk ka VAR në Spanjë“, deklaroi trajneri holandez.
El Chiringuito raporton se në dhomat e zhveshjes ka pasur tension dhe grindje midis trajneri Koeman dhe Gerard Pique nga njëra anë, dhe arbitrit Manzano nga krahu tjetër. Ky i fundit është kapur edhe me Leo Messin në fund të përballjes së përjetshme.
La bronca de Leo Messi a Gil Manzano: "¡Árbitro! Habla bien, con respeto" https://t.co/HRphsWcrhS
— El Bernabéu (@elbernabeucom) April 11, 2021
I lodhur nga kritikat dhe pakënaqësitë e kapitenit të Barcelonës, Manzano nuk ka duruar më dhe i ka kujtuar rregulloren yllit argjentinas. “Arbitër, trego respekt, sqaroji mirë gjërat“, është shprehur Messi, ndërsa Manzano ia ka kthyer: A i di rregullat e futbollit apo jo? Nëse jo, atëherë t’i shpjegoj unë më vonë“.
Një episod u regjistrua edhe mes Pique dhe Luka Modric. Ishte fundi i ndeshjes dhe mbrojtësi katalanas, i cili e ndoqi sfidën nga stoli, u fut në fushë. Përshëndetja me Luka Modric nuk mungoi, teksa mesfushori kroat nuk e kurseu ironinë.
MODRIC: – “Momenti për t’u ankuar, drejtë? Po të vjen të plasësh”.
PIQUE: – “O robo, dha vetëm katër minuta shtesë… ”
MODRIC: – “Pse sa donit ju?” /abcnews.al
Modrić: "Ahora a rajar, eh".
Piqué: "Hombre, cuatro minutos…".
Modrić: "¿Pero cuántos quieres?".
Leyenda, @lukamodric10
— Madrid Sports (@MadridSports_) April 10, 2021
