PSG-ja mori një fitore shumë të rëndësishme, teksa mposhti Bayernin 2-3 në ndeshjen e parë për çerekfinalen në Champions.
Në “Allianz Arena”, u zhvillua një ndeshje me të vërtetë spektakolare, teksa golat e tregojnë mëse miri këtë. Përveç Mbapesë, padyshim heroi i parisienëve sot ishte edhe portieri Kejlor Navas.
Ky i fundit ishte i pakalueshëm në ndeshjen e sotme, ku pavarësisht se pësoi dy gola, me pritjet e tij, i mohoi disa gola të tjerë gjermanëve.
Nëse i hedhim një sy statistikave të ndeshjes, aty shikojmë një dominim të frikshëm të bavarezëve. Skuadra e Flick, në total kishte 31 gjuajtje, ku 12 prej tyre ishin në portën e Navasit, kundrejt 6 gjuajtjeve të PSG-së, prej të cilave 5 ishin në portë. Edhe përqindja e topit është në favorin e gjermanëve, 635 kundrejt 37%.
