Gjendja e avokatit italian Mario Turrisi, 45-vjeç i cili pësoi trombozë, mbetet ende shumë e rëndë dhe serioze.
Më 12 mars ai u vaksinua me AstraZeneca, pastaj pas disa ditësh filloi të vuante nga sëmundjet e para. Situata u përkeqësua për Pashkë, kur i ndodhi një hemorragji cerebrale.
Për këtë arsye ishte i nevojshëm shtrimi i tij në spital, në Poliklinikën Messina. Që nga dje në mëngjes, kushtet e tij shëndetësore janë përkeqësuar dhe prandaj ai është intubuar në njësinë e kujdesit intensiv.
Sipas medias italiane “Il Messengger”, raporton “NOA.al”, skanimi CT tregoi një hemorragji të dyshuar cerebrale. Dhe nga ekzaminimet pasuese ai u diagnostikua me një trombozë të sinuseve venoze, me një infarkt hemorragjik të venave. Kushtet aktualisht mbeten shumë serioze. Prokuroria ka hapur një hetim për çështjen në fjalë.
Lajmi tronditi Tusën, qytetin në provincën e Mesinës, ku jeton profesionisti i mirënjohur i avokatisë. Turrisi ishte këshilltar i qytetit nga 2006 në 2008 dhe u rizgjodh nga 2008 në 2013. Ai është gjithashtu shumë aktiv në sektorin e kulturës. Është edhe president i një shoqate lokale për teatrin.
