Arsyeja përse Edi Rama u shfaq i mërzitur në konferencën me zonjën Merkel është pakënaqësia që i ka shfaqur atij kancelarja në lidhje me dekriminalizimin.
Lapsi.al mësoi se Merkel ka kërkuar zbatimin e ligjit të dekriminalizimit për të pastruar parlamentin, pushtetin vendor dhe administratën nga personat me precendentë penale. Burime të lapsi.al thanë se kancelarja ka qenë e prerë në këtë drejtim. Edhe pse ligji është miratuar një vit më parë, qeveria nuk ka dhënë asnjë rezultat për zbatimin e ligjit. Deri tani, si pjesë e zbatimit të ligjit u arrestua kryetari i bashkisë së Kavajës, Elvis Roshi. Por kryeministri nuk e ka shkarkuar atë ende nga detyra. /Lapsi.al
