Pak më shumë se dy muaj pasi u vaksinua me “Sputnik V”, Presidenti Argjentinas Alberto Fernandez ka rezultuar pozitiv me koronavirus.
Në një postim në rrjetet sociale, Presidenti Argjentinas tha se kishte pasur ethe dhe dhimbje koke, duke u detyruar të testohej sërish dhe rezultoi pozitiv.
“Unë tashmë jam izoluar, duke respektuar protokollin dhe duke ndjekur udhëzimet e mjekut tim personal,” tha ai.
Sipas ekipit mjekësor të Fernandez, Shëndeti i udhëheqësit 62-vjeçar është i qëndrueshëm.
Argjentina u bë vendi i parë i Amerikës Latine që miratoi vaksinën “Sputnik V” në fund të dhjetorit, duke blerë 25 milion doza.
Fernandez mori dozën e tij të parë të kësaj vaksine në 21 Janar, dhe të dytën në shkurt.
