Një lajm i befasishëm vjen për përfaqësuesen e Kosovës, teksa Leart Paqarada ka vendosur të braktisë përkohësisht dardanët.
Mbrojtësi 26-vjeçar ka lajmëruar përmes rrjetit të tij social në “Instagram“ njoftimin se nuk do të japë një përgjigje pozitive për ftesat e Kosovës për aq kohë sa trajneri Shaland të jetë në krye të pankinës.
Paqarada bën me dije se ndihet i ofenduar nga zgjedhja që tekniku zviceran ka bërë kundrejt tij, duke i dhënë shumë pak hapësira në fushën e lojës. Kjo ka bërë që futbollisti dardan të largohet nga përfaqësuesja, por thekson se do të jetë një vendim i përkohshëm për të mbrojtur dinjitetin e tij.
