Një total prej 25 pedofilësh të dënuar aktualisht po presin kastrimin e detyruar në Kazakistan, ka njoftuar qeveria e vendit.
Kriminelët seksualë janë të fundit që i janë nënshtruar një procedure për të cilën një burrë tha se e la “në dhembje aq të tmerrshme” sa nuk mund të ecte.
Një total prej 95 burrash pritet të kastrohen kimikisht këtë vit në shtetin ish-Sovjetik, me një kosto prej 178 £ për pedofil, sipas Ministrisë së Shëndetësisë.
Zyrtari i Ministrisë së Brendshme Alexey Milyuk tha se që kur hyri në fuqi ligji i vitit 2018, ‘numri i veprave kundër të miturve është ulur me 15,4 %’.
Qeveria kazake beson se përdorimi i kastrimit kimik të detyruar për të zvogëluar epshin mashkullor do të reduktojë krimet seksuale ndaj fëmijëve.
“Legjislacioni është forcuar ndjeshëm për të parandaluar krimet kundër integritetit seksual të fëmijëve,” tha ai.
‘Lirimi me kusht i hershëm për pedofilët është ndaluar … Afatet e burgimit për përdhunim dhe dhunë seksuale ndaj fëmijëve janë rritur nga 12 vjet në të përjetshëm.’
