Interi arrin fitoren e radhës në Serie A duke iu afruar akoma edhe më shumë titullit kampion. “Viktima” e radhës ishte Bologna të cilët zikaltërit i mundën me rezultatin 0-1.
Golin e vetëm të kësaj ndeshjeje e shënoi i zakonshmi Romelu Lukaku, kur kishin kaluar pak më shumë se gjysmë ore lojë. Bologna u përpoq shumë, rrezikoi në disa raste dhe e mbajti madje edhe më shumë topin. Kjo nuk mjaftoi që skuadra e Sinisa Mihajlovic të dilte të paktën me një pikë nga ky duel.
Zikaltrit më këtë fitore të arritur numërojnë tetë pikë më shumë se Milani i vendit të dytë dhe kanë një ndeshje më pak, duke e vënë në njëfarë mënyre një dorë te titulli kampion.
