Policia e Shkodrës ka arrestuar në flagrancë dy të rinj, 22 dhe 19 vjeç, pasi i kanë vjedhur portofolin me një shumë të konsiderueshme parash një 24- vjeçari me iniciale A.D.
Në pranga përfunduan Kedis Druni dhe Mikel Miloti, pasi në lagjen “Skënderbeg” të qytetit verior ata i kanë vjedhur me dhunë portofolin brenda të cilit ka patur një shumë të konsiderueshme lekësh.
Blutë e qytetit verior, në cilësinë e provës materiale sekuestruan portofolin, me sasinë e lekëve. Materialet procedurale iu referuan Prokurorisë së Rrethit Gjyqësor Shkodër për veprën penale “Vjedhja me dhunë” në bashkëpunim.
