Start i pafat i aventurës kuqezi për Nedim Bajramin. Fantazisti i talentuar, që i’u bashkua Kombëtares si përforcim i vlefshëm nga Edy Reja, nuk arriti të debutojë.
FIFA ende nuk i dha dritën jeshile djaloshit nga Tetova, me procedurën që është zgjatur prej së kaluarës së lojtarit, i cili ka qenë pjesë e përfaqësueses së moshave të Zvicrës.
Duke qenë se nuk ishte i disponueshëm as për ndeshjen e tretë ndaj San Marinos, Bajrami u largua nga përfaqësuesja dhe u kthye te skuadra e tij, Empoli.
