Trajneri i Kosovës, Bernard Challandes ka folur ditën e sotme në konferencë për shtyp, para ndeshjes me Spanjën, takim që luhet neswr.
Gjatë konferencës, është regjistruar një episod tejet domethënës, teksa gazetari i “AS”, Ruben Ares i bën një pyetje trajneri Challandes, por nuk përmend emrin e Kosovës. Pikërisht për këtë arsye, Challandes zgjedh të mos flasë, deri në momentin që gazetari u detyrua ta përmendë emrin e Kosovës.
Menaxheri i përfaqësueses së Kosovës, Bajram Shala, i cili ishte krah teknikut zviceran, iu drejtua gazetarit më pas me “Pyetja i drejtohet kujt” dhe merr përgjigjen “trajnerit”.
Shala vijoi edhe më tej: “Trajneri i kujt… Sepse ne nuk e kemi parë emrin e përfaqësueses tonë në median tuaj. Duhet të jetë e qartë se ndaj kujt trajneri është pyetja, nuk e kemi parë emrin e Kosovës në gazetën tuaj”.
Pasi i dërguari i mediave spanjolle përmendi emrin e Kosovës, Challandes tha: “Ne nuk mund te jemi te lumtur me qasjen e disa mediave drejtuar Kosovës dhe këtë nuk mund ta fshehim, mirëpo mendoj që motivi kryesor është që do luajmë kundër Spanjës dhe duhet qe të jemi të fokusuar për ndeshjen e nesërme”.
