Presidenti Ilir Meta ka reaguar për ndarjen nga jeta të ish-kryeministrit Bashkim Fino.
Kreu i shteti teksa shpreh ngushëllimet më të ndjera, shkruan se ndarja para kohe nga jeta e politikanit, ish-kryeministrit të Pajtimit Kombëtar dhe familjarit shembullor i ka tronditur të gjithë.
“Na ka lënë pa fjalë”, shkruan presidenti Ilir Meta.
Postimi
Ndarja e papritur nga jeta e mikut, kolegut, politikanit të moderuar dhe e Kryeministrit të Pajtimit Kombëtar në vitin e vështirë 1997, qytetarit aktiv e familjarit shembullor, Bashkim Fino, na ka tronditur të gjithëve këtë mëngjes.
Dhembje e madhe, që na ka lënë pa fjalë!
Ngushëllimet më të ndjera, të prehet në paqe dhe përherë i paharruar në kujtimet tona!
