Këngëtari Mandi Nishtulla ka qenë i ftuar në “EXPULS” nga Ronaldo Sharka në RTV Ora. Mandi ka treguar i acaruar se nuk vlerësohet aq sa duhet për faktin se është me ngjyrë. Gjithçka nisi teksa u pyet për kryebashkiakun Veliaj.
“Nuk e njoh fare! Nuk e di kush është! Për zotin nuk e njoh, unë Lulzim Bashën njihja, këtë tjetrin s’e njoh. Unë jam gjithë ky këngëtar nuk jam dekoruar njëherë, pse? Pse jam gabel? Çfarë të prish punë ty? Ylli Baka e kam vëlla e kam mik, kam dalë me të, është dekoruar bravo i qoftë, unë nuk kam nevojë t’më dekorojë njeri sepse më dekoron njerëzimi. E dinë fort mirë kush është i pari në ballkan. Po nuk fitoi Lulzim Basha do iki, do më blejë Turku ose Moska ose Gjermania”- tha ai.
Më tej foli edhe për lajmin e bujshëm teksa Mandi Nishtulla u bllokua në doganën e Malit të Zi, ku edhe shau me video Ramën:” Më futi dy ditë të mira, kam firmos që s’kam punë me policinë. Une nuk dua vetë t’i futem politikës, se pasha zotin e madh gjys milioni jevgj e gabel vinë mbrapa meje”– u shpreh ai.
