Një 21-vjeçar shqiptar është qëlluar për vdekje me thikë në Londër. Viktima është Renato Geci, ndërsa për krimin e rëndë në pranga kanë rënë një 31-vjeçar si dhe një vajzë e re, kjo e fundit akuzohet se ndihmoi autorin e krimit.
Së fundmi në rrjetet sociale, ka qenë vëllai i viktimës, Ritvan Geci, i cili ka bërë një dedikim prekës.
“Me hidhërim të thellë ju lajmëroj se ka ndërruar jetë vëllai im Renato Geci. Qofsh banor i Xhenetit Vlla. ( ne do të qëndrojmë të fortë për ty se ashtu ke dashtë gjithmonë të na shohësh ). Gjithmonë do ti shtrëngoj fort në zemrën teme kujtimet e tua, e do të të thërras, o Neni Vogël !!” shkruan Ritvan Geci.
Në vendin e ngjarjes, përpos Gecit që ndërroi jetë u gjet i plagosur edhe një tjetër person, i cili u transportua në spital. Ngjarja ndodhi të martën, ndërsa arrestimet u bënë dje nga policia. Ende nuk dihen rrethanat dhe motivet e krimit.
“Dëgjuam të bërtitura. E gjitha është shumë tronditëse. Të gjithë banorët po më pyesin se çfarë ka ndodhur” tha njëri nga fqinjët.
