Partia Socialiste do ta ankimojë në Kolegjin Zgjedhor vendimin e dhënë sot nga Komisioni i Ankimimeve dhe Sanksioneve në KQZ.
KAS vendosi që në zgjedhjet e 25 Prillit koalicioni i drejtuar nga PD do prezantohet me 222 kandidatë për deputetë.
Komisioni i Ankimimeve dhe Sanksioneve mbështeti kërkesën e PD-së, e cila kundërshtonte vendimin e komisionerit shtetëror të zgjedhjeve, që reduktoi listën e kandidatëve për deputetë nga 222 të propozuar, në 153.
Komisioneri Shtetëror i Zgjedhjeve, Ilirjan Celibashi e argumentoi kthimin e listës me një interpretimi të Nenit 67 të Kodit Zgjedhor ku në pikën 4 thuhet se: “[…] numri i kandidatëve në listën shumë-emërore nuk mund të jetë më i vogël se numri i mandateve që do të zgjidhen në zonën zgjedhore përkatëse, shtuar dy. Në çdo rast numri […] duhet të jetë i plotëpjestueshëm me numrin tre.”
