Belind Këlliçi, një prej drejtuesve politikë të PD në Qarkun e Tiranës, ka vijuar takimet me banorët e Yrshekut në kuadrin e fushatës për zgjedhjet parlamentare të 25 prillit.
Këlliçi shkruan se edhe kjo zonë vuan mungesën e ujit të pijshëm e energjisë elektrike, që janë refreni i 2021-shit.
“Legalizimet i kanë bërë me mllefe politike.
Partia e njollave vazhdon ende u bënë biografinë njerëzve. Ama për të vjedhur nuk njohin ngjyra. I vjedhin të gjithë njëlloj.
Për ne Shqipëria është një! E pandarë në hallet e saj. Njëlloj e etur për ujë, njëlloj e varfër, nga veriu në jug.
Koha e tregoi mirë se sado vite të propagandosh, gënjeshtra del dhe e vërteta triumfon. Qeveria Rama do marrë faturën e hidhur elektorale dhe do të dalë para drejtësisë! Edhe 33 ditë!”, shkruan Këlliçi.
