Humbja ndaj Milanit ka shkaktuar “tërmet” tek Fiorentina, teksa trajneri Prandelli, i cili mori drejtimin e skuadrës më 9 nëntor, ka vendosur të dorëzojë çelësat e stolit.
63-vjecari e drejtoi ekipin në 23 ndeshje, duke fituar vetëm 6 takime, përfshi këtu edhe Kupën e Italisë, teksa regjistroi edhe 6 barazime e plot 11 humbje.
3 humbjet në 5 ndeshjet e fundit dhe pozicioni i 14-të në renditje kanë bërë që zhgënjimi të jetë i madh, me trajnerin që ka vendosur të largohet. Prandelli kishte një kontratë deri në fund të këtij sezoni, teksa ka hequr dorë nga pjesa e mbetur e pagesës së tij prej 4 milion eurosh.
Drejtuesit e Fiorentinës nuk kanë vonuar për të gjetur zëvendësuesin e Prandelit, duke riemëruar pikërisht atë që u shkarkua në nëntor nga stoli i ekipit toskan, Giuseppe Lakini.
