Elgin Baylor, legjenda e Los Angeles Lakers dhe basketbollit amerikan ka ndërruar jetë në moshën 86-vjeçare.
Klubi kalifornian shprehën ngushëllimet e tyre me një postim në Instagram, ndërsa po ashtu kujtimin e yllit të dikurshëm e nderoi edhe faqja zyrtare e NBA-së, gjithashtu në Instagram. Një basketbollist spektakolar, që shënoi mbi 23 000 pikë në karrierë dhe kapi mbi 11 000 topa në tabela.
Elgin Baylor është ndoshta lojtari më i madh në historinë e basketbollit amerikan që nuk fitoi dot një titull kampion, ndonëse arriti 8 herë në finale në vitet 1958-1971. Për fat të keq, shtatë finale u humbën përballë Boston Celtic dhe njëra ndaj New York Knicks.
Baylor luajti 11 herë në “All Star Game” dhe u zgjodh 10 herë në Formacionin e Vitit, duke mbajtur shumë rekorde disa prej të cilëve rezistojnë edhe sot. Ndonëse nuk ishte shumë shtatlartë, rreth 1.96 metra, ai dominoi në tabela, ndërsa ishte një lojtar me vizion të madh.
Më pas, për 22 vjet, ai ishte drejtues ekzekutiv i Los Angeles Clippers. Baylor do të mbahet mend si një nga yjet e basketbollit amerikan, ashtu si Bill Russell, Wilt Chamberlein apo Jerry West.
Lakers legend. NBA icon. Military veteran and extraordinary Angeleno.#ElginBaylor was a superstar.
With his statue standing guard at Staples and his jersey hanging in the rafters, he will long be missed and always be remembered by L.A. sports fans. https://t.co/2ullShZGyB
— Mayor Karen Bass (@MayorOfLA) March 22, 2021
