Klubi i futbollit të Tiranës do rinovojë fushat e stërvitjes. Pas më shumë se 13 vitesh, drejtuesit e Akademisë së klubit kampion të vendit kanë bërë një kërkesë pranë Federatës Shqiptare të Futbollit, në lidhje me ndihmën për fushat e kompleksit “Skënder Halili”.
Shtypi i shkruar bën me dije se në muajt në vazhdim, Tirana do rivendosë barin sintetik. Një tjetër lajm i mirë është edhe ndërrimi i fushës me bar natyral, që ka 13 vite që nuk investohet totalisht.
Kështu, të rinjtë e akademisë dhe ekipi I parë bardheblu, pritet të kenë kushte më të mira në stërvitje. Veç fazës së stërvitjes, në “Skënder Halili” zhvillohen edhe ndeshjet zyrtare të ekipit U21 të bardhebluve.
