Komisioni i Ankesave të Sanksioneve (KAS) ka vendosur ti japë të drejtë Partisë Demokratike lidhur me ankimin për listat shumëemërore.
PD dorëzoi Në KQZ 222 kandidatë për deputetë. Ndërkohë, KQZ vendosi se lejohen deri në 153 emra në listat shumëemërore. PD ankimoi vendimin në KAS, që këtë të Martë vendosi në favor në Partisë Demokratike.
PD e quajti të paligjshëm vendimin e KQZ për të shkurtuar listat e saj me argumentin se neni 67 i Kodit Zgjedhor përcakton vetëm numrin minimal të kandidatëve, që sipas një përllogaritje të PD, është 177, dhe jo numrin maksimal të emrave që një parti politike duhet të ketë në listat e saj.
Në një prononcim për gazetarët pas vendimit, sekretari për cështjet zgjedhore në PD, I vi Kaso tha se, vendimi i sotëm i Komisionit të Apelimit konfirmoi qendrimin e drejtë të Partisë Demokratike pēr listën e përfaqësimit në zgjedhjet politike të 25 Prillit.
“Si gjithmonë, ne jemi në anën e ligjit dhe vendosim të parin interesin publik, përfaqësimin sa më të plotë dhe dinjitoz të të gjitha shtresave të shoqërisë. Vendimi i mëparshëm i KQZ-së për të mos regjistruar listat e plota të koalicionit ishte një vendim i padrejtë dhe i paligjshëm, diktuar nga interesat politike të shumicës. Pas ndryshimit të rregullave të lojës në mënyrë të njëanshme, shumica synoi të vendoste rregulla të tjera, të cilat parandaluan përfaqësimin e plotë dhe të drejtë të të gjitha partive përbërëse të koalicionit tonë. Tani, koalicioni ynë po konkuron në potencialin e tij të plotë, njerëzor dhe programatik. Por përfaqësimi i koalicionit PD në zgjedhjet e 25 Prillit me listat e plota është vetëm beteja e parë e fituar. Beteja më e madhe është ajo e ditës së zgjedhjeve, 25 Prill. Qytetarët e dinë që këto zgjedhje nuk janë për Ramën apo Bashën: Këto zgjedhje janë për të ardhmen e fëmijëve dhe familjeve të tyre. Kēto zgjedhje vendosin nēse Shqipëria do tē perparojē drejt Bashkimit Evropian. Njerëzit e dinë që kjo nuk mund të bëhet nga Edi Rama, i cili dështoi për 8 vjet dhe na la mbrapa të gjitha vendeve tē tjera. Njerëzit do të votojnë për Lulzim Bashën, misioni i të cilit është të ndërtojë në Shqipëri një qeveri evropiane, të përgjegjshme dhe me një fytyrë njerëzore. Asgjë nuk do të na ndalojë të sjellim ndryshimin në Shqipëri me njerëzit tanë të mrekullueshëm, të cilët kanë nevojë dhe e duan kaq shumë ndryshimin! Ne do ta bëjmë të mundur këtë në 25 Prill me ndihmën e të gjithë shqiptarëve”, u shpreh ai.
