Një plagosje ka ndodhur pak minuta më parë në Shkodër në lagjen ‘Mark Lula’.
Policia në vendin e ngjarjes, ndërkohë nuk dihen ende të dhëna të tjera për ngjarjen.
Mësohet vetëm se një person ka mbetur i plagosur.
Burime pranë policisë së Shkodrës bëjnë me dije se i plagosuri është shtetasi Mikel Fusha. Ai është plagosur në këmbë. Burime pranë grupit hetimore bëjnë me dije se është identifikuar autori i ngjarjes dhe po punohet për arrestimin e tij.
Dyshohet se shkak i plagosjes një konflikt i çastit. I plagosuri ndodhet jashtë rrezikut për jetën në spitalin e Shkodrës.
Shkodër/informacion paraprak
Më datë 21.03.2021, rreth orës 19:30, në lagjen “Mark Lula”, Shkodër, dyshohet se pas një konflikti të çastit është plagosur në këmbë me armë zjarri shtetasi M. F, 22 vjeç, i cili ndodhet jashtë rrezikut për jetën.
Nga veprimet e para hetimore, dyshohet se autori i plagosjes është shtetasi E. L, ku vijon krehja e zonës për kapjen e tij.
Në vendngjarje ndodhet grupi hetimor dhe nën drejtimin e Prokurorisë po vijon puna për zbardhjen e plotë të rrethanave të ngjarjes.
