21 gola janë shënuar në pesë ndeshjet e sotme të grupit A të Kategorisë së Dytë. Goleada të Sopotit dhe Tërbunit, teksa fitojnë edhe Luzi me Ilirinë. Pa fitues përfundoi sfida Klosi-Gramshi.
Sopoti triumfoi 6-0 në shtëpi kundër Adës. Qehaja realizoi një trigolësh, teksa suksesi tenistik për ekipin nga Librazhdi u kompletua nga rrjetat e Sejdinit, Kullafit dhe Mziut.
Vendi i dytë me 34 pikë për Sopotin, një më pak se Shkumbini kryesues që ka luajtur një ndeshje më pak. Në vend të tretë renditet Luzi, që fitoi 2-0 në fushën e vet kundër Shënkollit.
Golat e fitores u realizuan nga Taku dhe Soumah në pjesën e dytë. Tërbuni nuk u përmbajt aspak ndaj Internacional Tirana. Skuadra pukjane fitoi 7-1 dhe ndodhet në pozitën numër katër në tabelë.
Keko shënoi një trigolësh, Gjoka shtoi dy të tjerë, teksa e gjetën rrugën e rrjetës edhe Mezini dhe Osmani. Goxhari realizoi golin e nderit për ekipin udhëtues. Mirdita doli pa pikë nga takimi i sotëm.
Gjergji kaloi mirditorët në avantazh përballë Ilirisë, por këta të fundit përmbysën gjithçka me golat e Gjonat dhe Allamanit, duke siguruar tre pikët. 1-1 përfundoi Klosi-Gramshi.
Të dy golat e ndeshjes u shënuan në fraksionin e parë. Salaj kaloi vendasit në avantazh, por Baku riktheu baraspeshën në minutën e fundit të pjesës së parë dhe evitoi humbjen e Gramshit. /abcnews.al
