“6 mijë euro, për një vend pune”. Është ky denoncimi që të rinjtë shkodranë kanë bërë gjatë takimit me Helidon Bushatin, drejtuesin politik të PD në Qarkun e Shkodrës, në kuadrin e fushatës për zgjedhjet parlamentare të 25 prillit.
Në një bashkëbisedim me të rinjtë u fol për situatën pandemike, ku pjesën më të madhe të lëndëve studentët e zhvillojnë online, duke kërkuar kështu një zbritje të tarifës universitare. Një kosto shtesë sipas tyre është edhe interneti.
Vështirësia mbi mësimin online lidhet edhe me lëndë të rëndësishme të cilat kurrsesi nuk mund të zvendësohen me këtë të fundit pa shkuar në auditore. Infermieria e cila mbetet një zgjedhje në masë nga studentët, ku pjesa më e madhe synojnë emigrimin jashtë vendit.
Punësimi pas studimeve universitare ishte ndër shqetësimet e ngritur nga të rinjtë. Sipas tyre askush nuk punësohet sipas meritës por duke paguar para në këmbim të një vendi pune.
Helidon Bushati u tha të rinjve se ata janë e ardhmja dhe ndryshimin do e bëjnë pikërisht ata. Ai ka shpalosur programin e partisë demokratike qe synon qe potencial i të rinjve të vlerësohe, një arsim cilesore si dhe Garanci per tregun e punes duke ofruar stazhe te paguara.
“Ne do u japim mundesi që talenti i tyre të vlerësohet në Shqipëri duke mos i larguar të rinjtë jashtë vendit , ashtu sic ka bërë politika e sotme”, tha Bushati.
