Te Partizani eliminimi nga Kupa i përket së shkuarës, tashmë të kuqtë mund të fokusohen maksimalisht vetëm në kampionat.
Janë ende shumë ndeshje për t’u luajtur dhe titulli është një realitet i prekshëm por jo me uljet-ngritjet që skuadra ka treguar gjatë gjithë sezonit aktual.
Realitet që e kërkon edhe Teuta që të dielën do të sfidojë të kuqtë. Bregdetarët tashmë duhet të tregojnë muskujt sepse barazimet nuk shërbejnë më, pavarësisht se gabimet e pakta që bëjnë në kampionat po e mbajnë skuadrën e Martinit pranë kreut, nevojitet hapi cilësor.
Partizani vjen në këtë duel me kënaqësinë që mori pas triumfit në derbi dhe mërzitjes për eliminimin nga Kupa, ilaç i kësaj të fundit do të ishte një sukses ndaj bluve.
Përballjet mes këtyre dy klubeve kanë prodhuar në të shumtën e rasteve futboll cilësor, teksa tashmë për objektivat që kanë, ndoshta mund të tregohen dhe pak pragmatist./Supersport
