Komisioni i Pavarur i Kualifikimit shkarkoi të Enjten nga detyra gjyqtarin e Gjykatës së Apelit Korçë, Olsi Xhavella.
Trupa e KPK-së e kryesuar nga Pamela Qirko, me relator Roland Ilia dhe anëtare Brunilda Bekteshi, shpalli të Enjten në mëngjes vendimin për të shkarkuar nga detyra gjyqtarin e Gjykatës së Apelit Korçë.
Xhavella u hetua nga KPK për të tre kriteret e vetingut, përfshirë pasurinë, pastërtinë e figurës dhe profesionalizmin.
Gjatë seancës dëgjimore të mbajtur me 16 mars, Komisioni konstatoi probleme me pasurinë dhe profesionalizmin e gjyqtarit.
Olsi Xhavella e ka filluar karrierën në sistemin e drejtësisë në vitin 2002 dhe ka punuar për më shumë se një dekadë në gjykatën e Korçës. Në vitin 2014, Xhavella u dekretua nga Presidenti i Republikës si gjyqtar i Gjykatës së Apelit në Korçë.
Seanca dëgjimore
Gjyqtari Olsi Xhavella përballet në KPK me pyetje për pasurinë dhe profesionalizmin
