Presidenti Ilir Meta, nëpërmjet një postimi në rrjete sociale, thotë se mostrajtimi me oksigjen i të prekurve nga koronavirusi, dhe lënia e tyre në mëshirën e spekulantëve të tregut të zi, është e pafalshme.
Kreu i shtetit thekson se rëndimi i situatës shëndetësore të shumë të sëmurëve deri në kërcënim të jetës, i detyrohet mostrajtimit të tyre me oksigjen.
Më tej, Meta thekson se për këtë gjë është këmbëngulur, që trajtimi me oksigjen teknikisht të certifikuar, të kryeht nga mjeku i familjes dhe të mos pritet shtrimi në spital.
Presidenti Meta shprehet se është e rrezikshme dhe kriminale, të trajtohen të sëmurën me oksigjen të pacertifikuar dhe pajisje, që i shiten në treg të zi familjeve deri në 5 herë më shumë se vlera e tregut.
“Të ndalet kjo kontrabandë e shëmtuar dhe e rrezikshme për shëndetin publik. Përgjegjësi para ligjit.”-shkruan Meta.
