Mjeku Pëllumb Pipero i ftuar në ‘Open” deklaroi se gjatë dy ditëve të fundit ka pasur shumë telefonata nga shumë mësues të cilët e kanë pyetur nëse mund ta merrnin apo jo vaksinën Astra Zeneca.
Pipero deklaroi se u ka kthyer të gjithëve të njëjtën përgjigje.
“Unë nuk kam asnjë studim që të tregojë se çfarë shkakton kjo vaksinë. Është e drejta e gjithsecilit për të vendosur nëse e marrin ose jo. Tromboza masive është pasoja bazë e kësaj sëmundje, që ka ngritur pikëpyetje për vaksinën”, tha Pipero.
Për të është shumë i rëndësishëm hetimi për të ditur se sa ndikon, ka pasur apo s’ka pasur sëmundje paraprake. Pipero tha se përsa kohë nuk ka një komplikacion të vërtetuar në Shqipëri edhe mundësia për të dhënë një përgjigje të saktë është e vështirë.
Për Piperon, pezullimi mund të ishte një opsion, por ekspertët që kanë marrë vendimin për vazhdimin janë shumë të mirë dhe sipas tij vendimi i tyre është i drejtë dhe ata nuk besoj se gabojnë.
