Miliarderi George Soros ka dhuruar 10 milionë dollarë për të ndihmuar në luftën kundër rritjes së krimeve të urrejtjes pas fitores së Donald Trump.
Biznesmeni hungarezo-amerikan do të dhurojë fillimisht një grant prej 5 milionë dollarë që do të ndahet në grante deri në 150 mijë dollarë për shoqërinë civile përmes Fondacionit të tij Shoqëria e Hapur.
Soros duke folur për “New York Times” tha se, si pjesë e retorikës së nxitjes së Trump “forcat e errëta janë zgjuar”.
“Duhet të veprojmë për të zmbrapsur atë që po ndodh”, tha Soros. “Sigurisht që kjo është si rezultati i fushatës”.
Ai sqaroi se donacioni nuk është një qëndrim politik për zgjedhjen e Trump.
Në janar të këtij viti, Soros kritikoi hapur Trump për herë të parë, duke thënë se ai po “bën punën e ISIS”, duke “bindur komunitetin mysliman se nuk ka alternative tjetër përveç terrorizmit”.
