I ftuar në ‘Open’ ishte edhe Edmond Panariti. Ai analizoi përplasjen në Elbasan, ndërsa tha se ajo që ndodhi në Elbasan e kishte fillesën në Tiranë.
“Nuk ka ndodhur ndonjëherë kur opinion pret program dhe sfida t’i merresh me opozitën. Kur mbjell erën do korrësh dhe furtunën. Praktikisht partia në pushtet ka filluar një fushatë negativiste. Duhet të bësh bilanc se ku e more dhe ku u nise. Askush nuk dëshiron të anatemohet, bullizohet dhe kur është monenti i paraqitjes së rezultateve. Kur t’i merresh me opozitën me stigmatizim, sarkazëm, kjo i ka lodhur njerëzit”, tha Panariti.
Sipas tij një përshkallëzim i tensionit do rris irritimin e popullit shqiptarë.
Ndërkohë Andi Bushati tha se mazhorancës i leverdis të ketë dhunë, ndërsa kujton edhe zgjedhjet e 2017-s, duke thënë se PS do të vjedh votat.
“Mes qytetit marrin guximin e gjuajnë njerëzit me grushte. Futi në burg. Mos hajde të bësh debat kot këtu. Pas kryeministrit ke bandit. A janë në burg ata. Banditët janë të gjithë njësoj, i ke me vete. Tani janë në zyrat e PS-së. Kështu do i fitoni zgjedhjet ju?”, i tha Bushati Maznikut, i cili nga ana e tij mundohej të mbronte teorinë se fajin e pati PD që sipas tij provokuan.
