Një rast skandaloz vjen nga Kosova, ku një politikan ka mallkuar qytetarët që e kishin gënjyer se do ta votonin në zgjedhjet e fundit parlamentare.
Kandidati i Partisë Demokratike të Kosovës, Haki Morina, i cili nuk ka arritur t’i sigurojë votat e mjaftueshme për t’u bërë deputet, ka mallkuar të gjithë ata që i kanë premtuar votën dhe nuk ia kanë dhënë atë.
“Ata që pa ju thënë ma kanë premtu votën, e s’ma kanë dhënë, ju rafte kanceri, sida dhe Covid19”, ka shkruar Morina në Facebook.
Por më pas ai është penduar dhe e ka zbutur mallkimin e tij, duke hequr kancerin dhe sidën.
“Ata që (pa ua kërkuar) ma kanë premtu votën, e s’ma kanë dhënë, ju rafte Covid19”, ka shkruar Morina herën e dytë.
Një rast i tillë ka ndodhur edhe në Shqipëri, ku Hazbi Kasaj i cili kandidonte për kryebashkiak në Këlcyrë mallkoi popullin duke thënë: “ju rëntë kanceri në grykë kush nuk më voton mua”…
