Shqipëria çdo ditë e më shumë po ngrihet në protesta kundër reformave, projekteve dhe vjedhjeve që qeveria po iu bën qytetarëve. Pas Lëvizjes për Universitetin, një tjetër protestë është paralajmëruar sot në Tiranë.
Mësohet se sot në mbrëmje në orën 23:00, një grup djemsh dhe vajzash, do e gdhijmë para parlamentit, për të mbrojtur Shqipërinë nga plehrat. Protesta vjen një ditë para seancës ku pritet të kalojë projektligji për importin e mbetjeve, i cili është kundërshtuar nga shoqëria civile dhe shoqatat për mbrojtjen e mjedisit.
“Do jemi te bashkuar, per te pritur te nesermen, diten finale, kur ne Parlament do te votohet pro ose kunder ligjit te importit te plehrave ne Shqiperi. Ashtu si tre vjet me pare kur mbrojtem vendin nga armet kimike duke e gdhire, neser ftoj cdo te ri dhe te re, cdo njeri te lire dhe te zakonshem te ketij vendi, te djathte, te majte, te qendres, cdo media te jete bashke me ne, para Parlamentit. Kjo eshte beteja e te gjitheve pa dallim, kjo eshte finalja e finaleve, ia kemi borxh vetes tone, familjeve tona, femijeve tane. Nata do jete e gjate dhe e ftohte, keshtu qe merni batanije me vete dhe te bashkuar si asnjehere me pare te detyrojme politiken te votoje kunder plehrave! Me ndihmen e Zotit, Te Bashkuar Kunder Plehrave!”, pohojnë të rinjtë që do të marrin pjesë sot në protestë.
