Kryetarja e LSI-së Monika Kryemadhi ishte sot në Kuçovë ku prezantoi kandidatët për deputetë Ilir Oboni, Aurela Kalivaçi dhe Lefter Maliqin, i cili renditet në fund të listës së kandidatëve të LSI në këtë qark.
“Rama në 25 prill skadon. Kam frikë nga entuziazmi, por ne jemi me këmbë në tokë”, tha drejtuesja e LSI-së.
Duke parë pritjet që i janë bërë Lulzim Bashës në Kavajë dhe Lezhë, Lefter Maliqi i tha Kryemadhit, se njerëzit ishin gati të mbushnin sheshin në Kuçovë. “Kanë dashur që të mbushet sheshi për ju” tha Maliqi.
Por Kryemadhi tha se nuk i intereson të tregojë forcën në shesh, por në kuti.
“Ne na duhen takimet derë më derë nuk kemi pse të tregojmë forcën, e tregojmë te kutia e votimit, ne i mbledhim njerëzit për dy sekonda, por ne na duhet vota në kuti. Beteja nuk është me drona por me rrjete sociale” tha ajo.
