Leja e gjelbër dixhitale do të zbatohet vetëm për ata që janë vaksinuar me doza të miratuara nga Agjencia Evropiane e Barnave.
Komisioni Europian pritet që të ngrejë “kartonin e kuq” për vaksinat që nuk janë miratuar nga Agjencia Evropiane e Barnave për “pasaportën e gjelbër” dixhitale që do të lejojë lëvizjen e lirë të qytetarëve evropianë brenda BE.
Hungarezët të cilët janë vaksinuar me dozat ruse Sputnik V dhe kinezet e Sinopharm nuk do të lejohen që të lëvizin lirisht brenda BE-së. Të ashtuquajturat “pasaporta të vaksinimit” do të diskutohen më 17 mars, ku do të merret vendimi.
Shtetet Anëtare të BE-së të varura shumë nga turizmi, të tilla si Greqia, Italia, Spanja dhe Portugalia, po bëjnë presion për një “pasaportë vaksinimi”.
