Kanë mbërritur në aeroportin e Rinasit 38 mijë e 400 doza nga AstraZeneca. Kryeministri Edi Rama ishte edhe këtë herë në Rinas për t’i pritur, duke dhënë show e rradhës, ndërsa të gjithë procesin po e përdor përdor për propogandë.
Ndërkohë që disa vende të BE kanë bllokuar përdorimin e vaksinave nga AstraZeneca, Kryeministri Rama tha një ditë më parë se është bllokuar vetëm një seri e vaksinave, ndërsa ato që kanë mbërritur në Shqipëri nuk kanë probleme.
Gjithsesi, qoftë edhe për të qetësuar qytetarët, ose kategoritë që do të përfshihen në vaksinimet me dozat e mbërritura, duhet që ekspertë të ISHP të japin sqarimet lidhur me problemet që janë shfaqur në disa vende dhe që çuan më pas në pezullimin e përdorimit të tyre në Austri, Danimarkë etj.
Kreu i qeverisë shoqërohej në Rinas nga ministrja e Shëndetësisë Ogerta Manastirliu, si dhe ministri i Rindërtimit Arben Ahmetaj, i cili po ashtu është i angazhuar në çështjen e vaksinimit.
Manastirliu u shpreh se nga nesër do të nisë vaksinimi i mësuesve në shkolla. Ajo tha se janë në pritje për të tjera doza në ditët në vijim.
