Një shqiptar ka mbetur i vrarë pasditen e kësaj të enjteje në Bari të Italisë. Sipas mediave italiane bëhet fjalë për një 28 vjeçar, i cili mbeti i vrarë si pasojë e të shtënave me armë në një banesë në rrugën Petrelli, në zonën e Liberta.
Burri u plagos nga tre të shtëna me armë në gjoks dhe bark e më pas u transportua në spital, ku vdiq për shkak të ashpërsisë së dëmtimeve të tij, shkruajnë mediat e vendit fqinj.
Ishin mjekët ata që lajmëruan policinë për këtë ngjarje.
Viktima 28 vjeç, identiteti i së cilit nuk bëhet me dije, u dërgua në spital, por nuk mbijetoi dot, për shkak të plagëve të shumta që kishte marrë në trup.
