Presidenti Iir Meta shpesh e ka konsideruar referendum ditën e zgjedhjeve të 25 prillit. Madje ka paralajmëruar për dënime të rënda për ata që do guxojnë të prekin votën e shqiptarëve.
Dhe sot ka deklaruar se do të bëhet kurban ai që do tentojë të prishë festën e shqiptarëve në ditën e rizgjimit të demokracisë, sikundër thotë.
“Jam i sigurt se 25 prilli është dita e rizgjimit të demokracisë dhe do të jetë një FESTË E MADHE E DEMOKRACISË.
Shpresoj, që të gjithë shqiptarët të bashkohen në këtë festë.
Kush kërkon t’jua prish festën, duhet të ketë parasysh se nuk do të ndiejë askush keqardhje që do të bëhet KURBANI i kësaj feste”, shkruan Meta në Facebook.
