Nga Elton Laska
Kur Isa Boletinit në Londër i premtuan se çështja e Mitrovicës do të zgjidhet ai u shpreh qartë se, “..aty nuk ishte vetëm për Mitrovicën por për mbarë Shqipërinë…”. Heroi ynë na la një mësim se asnjë krahinë apo sekt fetar nuk vlen më shumë se kombi dhe se kur kombi është në rrezik, shpëtimi i tij është detyrë.
25 prilli është momenti që ne të zgjedhim mes neodiktaturës dhe ëndrrës perëndimore të nisur që në kohën e Skënderbeut.
Kemi fatin të kemi një ekip, në të cilin emërues i përbashkët është integriteti, ndërsa rivalët tanë kanë babëzinë. Në listat tona kemi intelektualë, të rinj, ndërsa alternativa përballë ka subjekte të drejtësisë. Qarku i Lezhës do të jetë lokomotiva e fitores tonë, ndërsa Kurbini ashtu siç ka qenë do jetë kryeqyteti i fitoreve të PD-së.
Linçimi i kryeministri Rama për kandidatët e opozitës është tregues i frikës së tij nga humbja plebishitare e 25 prillit.
Ai kërkon t’i zhysë rivalët ne batakun e tij të fyerjeve dhe vulgaritetit, pasi nuk ka alternativë, nuk ka program, nuk ka ide, ka vetëm një gjë në kokë vjedhjen dhe poshtërimin e shqiptarëve.
Unë jam krenar për kontributin tim dhe të familjes time për Demokracinë. Përulem përpara sakrificës së demokratëve të thjeshtë dhe ju zotohem se do përdor pozicionin dhe emrin tim që sakrifica e tyre të mos nëpërkëmbet.
Te deleguarit dhe përfaqësuesit tanë në listë do kenë mbështetje maksimale, pasi 25 prilli është betejë vendimtare për ne, familjet tona, Kurbinin, Mirditën, Lezhën e mbarë Shqipërinë.
Të gjithë duhet të jemi aktorë në këtë betejë, duke lënë mënjanë interesat e ngushta, pasi nuk ka interes më të madh se e mira e përbashkët.
Krimi, skamja, korrupsioni janë kthyer në trekëndëshin e Bermudës, që rrezikojnë ta kthejnë Shqipërinë vite dritë mbra.
