Oerd Bylykbashi, kandidati i PD për deputet, tha në emisionin Tempora se Kushtetuta parashikon qartë se Presidenti i Republikës mandaton koalicionet apo partinë që ka më shumë mandate për të krijuar qeverinë.
Bylykbashi tha se Kushtetuta parashikon se nëse dështojnë dy përpjekje për krijimin e Qeverisë, atëherë i takon Presidentit që në konsultim me partitë të caktojë Kryeministrin për të formuar Qeverinë.
“Në datën 25 fiton opozita, në datën 26 prill ne kemi gati Qeverinë”, tha Bylykbashi.
Sipas tij, neni 96 i Kushtetutës e ka të përcaktuar qartë se si veprohet në rastet kur partia apo koalicioni renditet i pari.
