Ish-nënkryetari i Bashkisë së Shkodrës, Fatlum Nurja nëpërmjet një postimi në “FB” ka deklaruar se është përfshirë në listat e FRD-së edhe pse ai vetë ka refuzuar që të marrë pjesë, ndërsa thotë se nuk ka firmosur asnjë formular të tillë.
Por, Nurja mes emrave të listave për kandidat ka gjetur edhe emrin e tij.
“Guxim i tepruar kushdo që e ka ba dhe më jep një ndjenjë neverie”, shkruan Nurja.
Nurja i cili aktualisht punon si ekspert për pushtetin vendor pranë organizatave të huaja në Tiranë ngre shqetësim për këtë përfshirje pa asnjë konfirmim nga vetë ai.
“Mbrëmë fjeta herët, e sot në mgjes pashë këtë listë që ma kishte dërgu një mik pas mesnate.Deklaroj që nuk i ka kërku FRD-së diçka të tillë, përveç se kam refuzu (dhe kuptohet) si dhe minimumi nuk kam firmos as ndonjë formula tip për të tilla raste…nGuxim i teprum kushdo që e ka ba dhe më jep një ndjenjë neverije. Jam i vetëdijshëm se eksperiencat e personave që do të jenë deputet…dhe më gjërë…do ja dalin me ba mrekulli për qytetin, Shtein dhe Kombin tonë.nPor, gjithashtu jam shpresëplotë se estrada e Parlamentit ka me vazhdu”, shkruan ai.
