Inxhinierja Luljeta Bozo, e cila do të kryesojë listën e PS-së për Tiranën, ka këshilluar Elisa Spiropalin, ministren e Shtetit për Marrëdhëniet me Parlamentin, që të tregohet më e përmbajtur.
Në studion e ABC, Bozo tha se Elisa Spiropali duhet të jetë me e vetëpërmbajtur për etiketimet që përdor nga kreut të qeverisë Edi Rama.
Ajo theksoi se duhet ruajtur mesi i artë pasi ekzagjerimi nuk i bën mirë asnjë njeriu. Gjatë një mitingu elektoral në Tiranë, Elisa Spiropali nuk nguroi ta krahasonte Ramën me heroin kombëtar, Gjergj Kastriotin. Spiropali tha se Rama është Skënderbeu i shqiptarëve në kohët e sotme, deklaratë kjo që mund t´i ketë pëlqyer shumë Kryeministrit, por ka shkaktuar shumë humor në rrjetet sociale.
Elisa Spiropali thotë që Rama është Skëndërbeu. Ju çfarë këshille do i jepnit?
Unë do i thoja të ishte më e vetëpërmbajtur. Mesi është i artë. Nuk i bën mirë njeriu ekzagjerimi i tepërt. Punë janë bërë shumë dhe punët duken. Çdo punë lë një gjurmë. Unë nuk pajtohen me atë që nuk është bërë asgjë.
Unë ju kuptoj që jeni pozitive në shumicën e gjërave por a janë bërë mirë?
Ka edhe gjëra që nuk janë bërë mirë
