Eduard Halimi emërohet koordinator i posaçëm politik në Partinë Demokratike. Ish-deputeti dhe ish-ministri i Drejtësisë gjatë qeverisjes së PD, nuk do të jetë në listën e kandidatëve për deputet, por do të ketë një rol kyç lidhur me procesin zgjedhor.
Mësohet se Halimi do të koordinojë të gjitha strukturat dhe stafet elektorale të PD-së përgjatë fushatës elektorale.
Halimi në një prononcim mediatik ka theksuar se ka pranuar propozimin e Lulzim Bashës dhe do të merret me administrimin e çështjeve zgjedhore.
Reagimi i Eduart Halimit
Unë e pranova kërkesën e Lulzim Bashës për tu caktuar si “Koordinator i posaçëm politik i kryetarit të PDSH për 12 qarqet, në zgjedhjet e vitit 2021”.
Kurrë nuk do hezitoja të ndihmoja mikun tim Lulzim Basha, ashtu si kurrë nuk kam hezituar të ndihmoj dhe si antar i thjeshtë familjen tonë politike, gjatë gjithë jetës sime.
Kur thiresh për të shërbyer, askush nuk ka të drejtë të mos pranojë ti shërbejë familjes politike.
Të shërbesh, për çdo antar të së djathtës politike, është detyrë, dhe nuk duhet lidhur kurrësesi me të qënit deputet. Unë nuk do jem deputet, por do ti shërbej familjes politike.
Është koha të bashkohemi për ti shërbyer familjes sonë politike në këtë betejë.
#tëbashkuar
#iadalim
