Derbi i kryeqytetit luhet javën tjetër dhe te Partizani janë tre futbollistë që rrezikojnë të mungojnë. Arsyeja janë kartonët e verdhë dhe nëse ndëshkohen në duelin e radhës ndaj Skënderbeut, do të mbeten jashtë një prej ndeshjeve më të rëndësishme të kampionatit.
Te “demat”, janë tre lojtarë titullarë që kanë nga tre kartonë të verdhë. Bëhet fjalë për dy mesfushorët Jurgen Bardhi dhe Esat Mala, si dhe mbrojtësin Egzon Belica.
Sfida derbi mes Partizanit dhe Tiranës do të luhet më datë 13 mars, në orën 13:00 në “Selman Stërmasi”.
