Luljeta Bozdo pranon ftesën e PS për të qenë në listat e kësaj partie në zgjedhjet e 25 Prillit.
Ajo u shfaq këtë të Premte krah kryeministrit Edi Rama, duke i thurur lavde programit të rindërtimit të qeverisë, që në fakt ka marrë kritika për vonesat në rindërtimin e banesave të shkatërruara nga tërmeti.
Inxhinieria Luljeta Bozdo, 79 vjeçe, u bë e njohur vëçanërisht me daljet e saj në media pas tërmetit të Nëntorit në vend, që shkakoi viktima dhe dëme të konsiderueshme materiale.
Kryeministri Edi Rama u shpreh: “U tregove zemërgjerë dhe pasi u mendove nuk the ‘jo’ për të qenë pjesë e skuadrës sonë së 25 Prillit ku me kënaqësinë dhe nderin më të madh timin dhe forcën tonë politike, do kemi një përfaqësues të një shtrese të gjërë shoqërore që janë gjyshërit dhe gjyshet dhe një përfaqësuese kaq vitale që ka shumë për të dhënë dhe nga maja e eksperiencës si inxhiniere, nënë, gjyshe e stërgjyshe do jesh një ndihmë e madhe për të na shkulur veshin me kujdes që ne të jemi gjithnjë të fokusuar. Luljeta është simboli i gjihtë përpjekjes sdolidare të qytetarëve që u bënë bashkë në ato momente të tmerrshme, patjetër është dhe mishërimi i ambicies sime dhe dëshirës së madhe që përfaqësesit në parlament të jenë sa më shumë në sinkron me ta dhe shëmbylltyra e tyre. Për herë të parë gjithë pensionistët do keni njeriun e tyre aty”.
