Suedia mund të bëhet shumë shpejt vendi i parë në Botë që do ketë një monedhë virtuale të vetën, të garantuar dhe kontrolluar tërësisht nga Banka Qendrore e Suedisë, Riksbank. Diçka e tillë u lajmërua nga numri dy i bankës Qendrore të Suedisë duke shtuar se bëhet fjalë për plane konkrete dhe jo vetëm fjalë.
Ky do të ishte një revolucion në botën financiare ndërkombëtare. Në qarkullim ka monedha virutale, që quhen Bitcoin, apo edhe monedha lokale autonome, si në Barcelonë, por, futja në treg e një monedhe virtuale të rregulluar nga Banka Qendrore do të ishte një risi absolute.
E për më tepër, bëhet fjalë për një ndër superfuqitë industriale të Botës sot, si dhe një ndër vendet me mirëqënien më të lartë në nivel global. Bëhet fjalë për një vend, ku rritja ekonomike fiksohet pranë 4%, borxhi jo më i lartë se 40% e GDP-së, dhe punësimi thuajse me kapacitet të plotë.
Në Suedi gjejnë strehë disa prej gjigantëve të rrjetit, si Skype apo Spotify. Corona virtuale mund të behet kështu një realitet shumë shpejt. Tranzicioni nga paraja cash në atë elektronike është një realitet prej kohësh në Suedi tashmë.
Vlera e parasë cash në GDP-në e vendit ka zbritur nga 10% në 1950 në vetëm 1.5% sot. Bankat po refuzojnë gjithnjë e më shumë transaksione me para në dorë. E njëjta gjë vlen edhe me dyqanet. Monedha e re pritet të njoftohet zyrtarisht brenda dy viteve të ardhshme. /Tg/
