Jasmina dhe Sara, patën një debat të fortë me njëra-tjetrën një javë më parë në “Për’puthen”, sepse kjo e fundit u shfaq shumë e afërt në takimin e parë me Andin.
Dy vajzat do të përballeshin sërish me njëra-tjetrën në “Përputhen Prime”, por Sara ishte larguar menjëherë sapo e kishte marrë vesh. Ajo mungoi edhe dy ditët e para të kësaj jave dhe pasditen e djeshme u rikthye në program dhe pati një përballje të ashpër me Jasminën, që foli nga shtëpia e saj, sepse dyshon se mund të jetë infektuar me Covid-19.
Duke ju referuar deklaratës së Jasminës se ato të dyja njihen më herët me njëra-tjetrën, Sara tha se Jasmina ka qenë fanse e saj gjatë kohës që ajo merrej me muzikë.
“Ajo ka thënë që më njeh më para, ti ëndërroje të bëjë foto me mua kur bëja muzikë, por ti me mua s’ke ndenjur kurrë, do të doje. E kam respektuar se e kam parë që ka pëlqim ndaj Andit, por ama jo të bëjë skena dhe histerizma”, tha Sara.
