Trajneri i Partizanit, Ilir Daja është shprehur se pavarësisht barazimit, skuadra e tij bëri një ndeshje shumë të mirë ndaj Apolonisë. Pas ndeshjes, për “Supersport”, Daja është shprehur:
“Përtej rezultatit, pasi kishim ardhur për fitore. Kemi bërë vetëm një gabim të vetëm, te goli. Ishim në sulm dhe nga kundërsulmi shënuam në portën tonë. Bëmë gjithçka për të përmbysur rezultatin, kishim raste. Na penalizoi fusha. Më duket e pakuptimtë që të luajmë në 1 të drekës, në një fushë që për një javë nuk ishte përgatitur. Krijuam shumë, por nuk ia dolëm.
Kemi bërë një kampionat shumë të mirë, nuk kemi pse të shikojmë prapa. Sot kemi bërë një ndeshje shumë të mirë, pavarësisht rezultatit. Edhe Melo edhe Asani janë dy lojtarë që nuk e marrin shumë thellësinë. Nuk mund të bënim asgjë më shumë sot, në këtë lloj terreni.
Për mua ndikoi jashtë mase. Në futboll investohet dhe kur e kemi mundësinë, ta lagim pak fushën. E gjithë fusha është shumë e thatë. Nëse luajmë në këto kushte, atëherë është e kotë që të kërkojmë që futbolli shqiptar të eci para.
